Viana do Castelo Portugalgo iparraldean dagoen azken hiri atlantikoa da: Portotik 30 minututara eta Vigotik (Galizia, Espainia) 40 minututara dago gutxi gorabehera. Autopista funtzionalen eta itsas portu baten bitartez komunikatuta dagoenez, erraza eta erosoa da hirira iristea. Bertan, bisitariek bizi kalitate nabarmenaz goza dezakete; izan ere, hiriko bizitza lasaia eta segurua da, ondare natural, monumental eta historiko aberatsa du, eta baditu kultura, kirol eta gizarte ekipamendu bikainak ere.
Itsasoa, mendia eta ibaia izateak paisaia bikainak ematen dizkio hiriari: zentzumenak liluratzeaz gain, klima psikologiko lasaigarria ematen dute eta egokiak dira denbora librea modu osasungarri eta atseginean betetzeko. Hiriak, gainera, ostalaritzako bolumen ona du, eta bizkor hazten ari da turistak hartzeko eta biltzarrak, mintegiak eta turismo, negozio zein ikasketen ondoriozko beste bilera batzuk egiteko. Halakoei oinarri emateko, badira entzunareto moderno eta funtzionalak.
Espazio kultural modernizatuen multzoa (antzokiak, zinema aretoak, liburutegia, museoak) herritarren eta bisitarien aberasgarri kulturala da, eta ibaiak eta itsasoak baldintza onak eskaintzen dituzte aisialdiko belaontzietan ibiltzeko eta uretako kirolen modalitate guztiak praktikatzeko. Viana do Casteloko aberastasun etnografiko apartak Portugalgo folklorearen hiriburu bihurtzen du hiria, eta badira Viana do Castelo joera turistiko guztientzat toki oso erakargarria bihurtzen duten beste ezaugarri batzuk ere: bertako artisautzaren originaltasuna eta funtzionaltasuna (bereziki garrantzitsuak dira zeramika eta brodatuak), animazio kultural maizkoa eta kualifikatua, eta beste.
Surfa 1987tik egiten da Vianan, Cabedelo, Rodanho, Afife, Vila Praia de Âncora eta Moledo hondartzetan. Besteak beste, hauek izan ziren hiriko lehen surflariak: Adolfo Stuart, João Paulo Rodrigues, Rui Rego, Luís Filipe, Nuno Silva, João Zamith, Jim Gomes, Diogo Neves, João Santos eta Guilherme Bastos. Vianako kostaldea Europako kontsistentzia handikoenetakoa da olatuei dagokienez (baga itsasoaren tamaina edozein dela ere). Hondartza gehienetan olatuak beach break motakoak dira, baina badira reef break motako puntu batzuk, bereziki, olatu handiak daudenean. 90eko hamarkadan, Vianatik Portugalgo surfa egituratzen hasi zen.
ITSAS ZENTROA
Itsas Zentroa Itsasoaren Ezagutzaren eta Ekonomiaren Klusterrean integratuta dago, proiektu ardatz gisa. Zentroa osatzen duten jarduera guztien artean egindako apustu bat da; helburua aisialdiko nautika eta kirol nautikoak garatzea da, osagai garrantzitsuak baitira Viana do Castelo Atlantikoko hiri nautiko gisa daukan kokapena indartzeko. Itsas Zentroak barne hartzen ditu Itsas Ingurumenaren Interpretazio eta Dokumentazio Zentro bat, hiru Zentro Nautiko berritzaile (piraguismoa, arraunketa eta bela), eta Surfaren Errendimendu Handiko Zentro bat.
URF CLUBE DE VIANA – 25 urte surfa egiten…
Surf Clube de Viana (SCV), 1989an sortua, zuzenbide pribatuko pertsona juridiko bat da, eremu nazionalekoa eta irabazi asmorik gabea. Klubaren xedea da kultura, aisialdi, turismo eta kirol jarduerak sustatzea eta, bereziki, "surfing" diziplina guztiak: surf, bodyboard, stand up paddle, skate eta gainerakoak. 2014tik, Portugalgo Turismo erakundeak onartutako itsas operadore turistikoa da SCV.
- Egoitza: Viana do Casteloko Surfaren Errendimendu Handiko Zentroa.
- Afiliazioak: Portugalgo Surf Federazioa eta Aire Zabaleko Kirolen Europako Sarea.
- Bazkideak: 500 | Federatuak (FPS): 80 | Entrenatzaileak: 10 | Epaileak: 8 | Zuzendari teknikoak: 4
Laburpen historikoa
- 1990 – Portugalgo 1. Surf eta Bodyboard Eskola Ofiziala
- 1990 eta 1991 – “Viana Pro” Europako Surf Txapelketa
- 1992 eta 1993 – –“Viana Staroup Pro” Munduko Surf Txapelketa
- 1993 – FPSren 1. entrenatzaile Ikastaroa (Bryan London unibertsitate irakaslea)
- 1993 – FPSren 1. epaile ikastaroa
- 1994 – Munduko Bodyboard Zirkuituaren inaugurazio etapa
- 1994-1996 – Portugalgo Surf Federazioaren eta Europako Surf Federazioaren egoitza
- 1998 – Europako Bodyboard Txapelketa
- 1998 – 1. Luso Galaico Txapelketa
- 2001 – Surf eta bodyboard-eko 1. prestakuntza ekintza Heziketa Fisikoko irakasleentzat
- 2003 – Siemens Mobile Surf Festival
- 2004 – Eskola Kiroleko Surf Prestakuntzarako 1. Zentroa
- 2005 – Surfrider Fundazioaren 1. delegazioa Portugalen
- 2005 – Klub Txapelketa Nazionala – Surfa
- 2006 – Surfaren irakaskuntza sartu zen Goi Hezkuntza Publikoan
- 2009 – –“Viana Pro” Munduko Bodyboard Txapelketa
- 2010 – “Eurojunior” Selekzioen Europako Txapelketa (ESF)
- 2012 – FPSren Portugalgo Txapelketa eta 1. "Surfa eta errendimendu handia" mintegia
- 2013 – XIX. Joko Nautiko Atlantikoak – Surfa, bodyboard-a eta SUPa
- 2013 – European Tour of Surf (ESF) zirkuituaren lehen etapa
- 2014 – Aire Zabaleko Kirolen Europako Sarearen kide sortzailea
Surfaren munduko pertsona eta kirolari aipagarriak
- Adolfo Stuart – FPSren presidentea (1992 eta 1993)
- Guilherme Bastos – FPSren presidentea (2003-2013)
- Vinício Pereira – ESFren presidentea (1994 eta 1995)
- Eduardo Freitas – OMNI markaren sortzailea (Surfwear)
- Diogo Marques – Bodyboard-eko nazioarteko epailea
- Nuno “Alan” Silva – Europako bodyboard txapelunordea 1991n
- João Zamith – Europako junior txapelunordea (1992), Europako txapelduna selekzioarekin (1997), Bodyboard-eko talde nazionalaren entrenatzailea (2002) eta Munduko GOB Bodyboard Zirkuituko kirolari ohia
- João Guedes – Surf txapeldun nazionala 2009an eta surfeko selekzio nazionaleko kidea (2013)
- Eric Rebiére – Europako surf txapelduna bitan; ASPren Munduko Zirkuituaren kirolari ohia eta Billabong XXLko finalista
- Filipa Fernandes – Bodyboard-eko promesen txapeldun nazionala (2013)
Datuak eta zifrak
- Biztanle kop.: 91.000 biztanle
- Azalera: 314 km2
- Kostako zerrenda: 24 km
- Urrezko hondartzak: 2
- Bandera urdineko hondartzak: 6
- Hondartza atlantikoak: 11
- Ibai hondartzak: 17
- Pedro Martins Lima – 1. surflari portugaldarra